Ils pumiculturs han cumenzà da racoltar las spezias «Tegera» e «Cacaks Schöne». La pli impurtanta spezia da primblas resta dentant la «Fellenberg».
Tar las primblas da destillar vegn stimà ina racolta da radund 2'000 tonnas.
Racolta da paira er sur la media
Tenor la prognosa da racolta da l'Uniun svizra da pumicultura spetg'ins ina buna racolta da paira da most cun radund 7'200 tonnas. Tar la maila da most quinta l'uniun cun ina racolta da circa 54'000 tonnas. Quai fiss ina racolta en il rom dals ultims onns.
Tar la maila da mangiar è la racolta probabel sut la medias dals ultims onns. La paira da mangiar è probabel sco las primblas radund 12% sur la media dals ultims quatter onns.
RR novitads 21:00