Siglir tar il cuntegn
cuntegn

Svizra Pumiculturs quintan cun fitg buna racolta da tschareschas

L'uniun da pumpicultura da la Svizra spetga ina racolta da tschareschas surproporziunala. Quest onn duessi dar enturn 3000 tonnas tschareschas en Svizra. Quai è surproporziunal e passa il dubel da l'onn passà, sco l'Uniun da pumpicultura da la Svizra di.

Frastg da tschareschas.
Legenda: Per promover il consum da tschareschas vul la branscha da pumicultura far pli savens reclama. Keystone

Ina raschun per questa buna racolta saja che las plantas che sajan stadas pertutgadas l'onn passà da la schelira sajan sa revegnidas bain. L'autra èn las temperaturas chaudas. Cun las primas tschareschas dastg'ins quintar gia ils proxims dis. Cun la racolta principala quint'ins tranter il 25 da zercladur ed ils 21 da fanadur.

La surfatscha da cultira da tschareschas ha ils davos onns prendì tiers, dapi il 2015 per var 30% sin bun 600 hectaras.

RR novitads 09:00