Il Cussegl federal ha declerà quest suentermezdi, co el vul prender per mauns puspè il tema da l'imposiziun da taglias per pèrs e famiglias – suenter il fiasco da cifras cun l'iniziativa «Per lètg e famiglia – cunter la puniziun da maridaglia».
Votaziun è annullada – actualmain na datti nagin'autra
Il Cussegl federal ha abolì la verificaziun da la votaziun dals 28 da favrer en chaussa. Uss vul el porscher al parlament in messadi supplementar per l’imposiziun da taglia per pèrs e famiglias
Entras quai duai il parlament pudair elavurar ina cuntraproposta a l’iniziativa. Sche la votaziun vegn repetida dependia lura dal comité d’iniziativa, ha il Cussegl federal orientà a la conferenza da medias. Il comité possia retrair l’iniziativa fin ch’il termin per ina votaziun da repetiziun saja fixà.
Ameglierar lavur cun cifras
Gia la fin dal 2018 aveva il chancelier federal Walter Thurnherr installà ina gruppa da lavur per prender sut la marella tgeninas cifras che vegnan duvradas per regla tar projects da votaziun.
En l'avegnir duaja la lavur cun datas per projects da votaziun e lescha vegnir transparenta e sistematisada. Uschia duaja vegnir garantì che la basa da decisiun saja objectiva ed actuala.
RR novitads 15:00
