L'onn passà han puras e purs svizzers han duvrà marcantamain damain pesticids. Quai è ina consequenza dal program facultativ che la confederaziun ha lantschà il 2023. L'idea: per surfatschas libras da pesticids datti pajaments directs.
Tenor l'Uffizi federal per agricultura hajan puras e purs cultivà circa in 5avel da tut las surfatschas d'ers, vignas e puma senza erbicids – pia pestizids che mazzan tschertas plantas. Plinavant saja vegnì desistì da fungicids ed insecticids sin 102'000 hectaras ers – quai correspundia a radund 140'000 plazzas da ballape.
Perquai ch'i vegn desistì dapli sin tscherts meds na saja dentant er la protecziun da las plantas betg pli uschè ferma. Quai ha l'uffizi communitgà. I saja pussaivel che la protecziun da las plantas daventia pli difficila pervi da novs parasits.
Or da l'achiv:
