Siglir tar il cuntegn
Inhalt

Svizra Purs duain contribuir als sforzs da spargnar

La Confederaziun sto spargnar ils proxims onns. Il Cussegl federal vul perquai che er il purs contribueschian ina part. Per l'uniun purila svizra van ils plans da spargn dentant memia lunsch.

vatgas en in menaschi puril
Legenda: Ils purs duain er gidar a spargnar ils proxims onns - almain sch'i va tenor il Cussegl federal. Keystone

Il Cussegl federal propona da reducir la subvenziuns per 514 milliuns francs sin radund 13,3 milliardas francs. Quai per ils onns 2018 fin 2021. Las entradas dals singuls manaschis purils na duain però betg sa reducir perquai ch'i dettia adina pli paucs manaschis purils. La lescha d'agricultura na vul il Cussegl federal er betg midar. En il focus da la lescha duai restar ils proxims quater onns da meglierar la cundiziuns da concurrer sin il martgà e da reducir l'administraziun per ils purs.

Cun il pachet da spargn vul la regenza spargnar radund 1 milliarda francs l'onn. Pertutgads da da quest pachet èn tranter auter er la furmaziun, l'armada u l'agid da svilup.

Uniun purila svizra sa dosta cunter ils plans da spargn

Els cumbattien per che las subvenziuns na vegnian betg scursanidas, uschia il president da l'uniun e cusseglier naziunal Markus Ritter. Quellas hajan in effect direct sin il gudogn dals purs. La situaziun sin il martga da latg saja desolata ed ils manaschis fetschian enormas perditas.

RR novitads 11:30/16:00