Siglir tar il cuntegn

Header

cuntegn

Svizra Purs e protecziun d'animals per renviar rapport d'agricultura

In'allianza da l'Uniun purila svizra, la Protecziun svizra dals animals e da differents producents da victualias sustegnan la pretensiun da la cumissiun d'economia dal Cussegl naziunal da renviar il rapport d'agricultura 2022 dal Cussegl federal.

La vista generala davart l‘agricultura (AP22+) ch‘il Cussegl federal ha preschentà la fin da l‘onn passà na saja nagina basa per il svilup da l‘agricultura, ha ditg l'allianza a Berna.

En ses rapport preschenta il Cussegl federal ses plans per la politica agrara a partir dal 2022. Tranter auter vul el rinforzar la producziun ecologica e vul sustegnair las puras ed ils purs da s’orientar pli fitg al martgà ed als giavischs dals consuments. Plinavant vul el liberalisar il martgà e prender en mira ulteriuras convenziuns da commerzi liber. Uschia vul el entaifer otg onns reducir la differenza da pretsch tranter ils products svizzers e quels da l’exteriur per 30 enfin 50%.

Cussegl federal duai anc ina giada ir sur ils cudeschs

Gist quai mussia, di l’allianza, ch‘il Cussegl federal na resguardi betg la veglia dal suveran che ha decidì il settember passà cun bunamain 80 pertschient da las vuschs da rinforzar la segirtad alimentara e quai tras la producziun indigena. Cun renviar il rapport survegnia il Cussegl federal ina segunda schanza da curreger sia politica agrara. Per promover l‘agricultura ed impedir che adina dapli manaschis purils vegnan liquidai dovria perquai in signal cler da la politica e cundiziuns persistentas.

Il Cussegl naziunal tracta il rapport ils 4 da zercladur.

RR novitads 12:00

Artitgels legids il pli savens