Siglir tar il cuntegn

Header

cuntegn

Svizra Purs èn unfis da plans da spargn

L'Uniun purila svizra rinfatscha al Cussegl federal da betg star da pled. Cunter sias empermischuns planiseschia la regenza scursanidas dolurusas tar l'agricultura e quai tant per il budget 2016 sco era per il credit general 2018 fin 2021.

Per l'uniun purila saja la mesira ida surora, ha declerà il president Markus Ritter avant las medias a Berna. Ils 27 da november vulan ils purs demonstrar sin la Plazza federala a Berna e far attent sin la valur da lur lavur.

Spargnar tar budget e credit general

Per il budget 2016 prevesa il Cussegl federal respargns da 94 milliuns francs. L’agricultura fiss uschia il sulet sectur dal budget federal nua che meds vegnissan stritgads effectivamain. Il credit general 2018 fin 2021 duai vegnir scursanì per 800 milliuns francs.

Custs da producziun pericliteschan puressers

L’onn passà sajan ils pretschs per latg, portgs e ravas da zutger stads «desastrus», accentuescha l’Uniun purila svizra. Ils custs da producziun na possian per lunschora betg vegnir cuvrids. Blers puressers sajan er senza pajaments directs mal en pe.

RR novitads 11:00

Artitgels legids il pli savens