Er la fin d'emna suenter Tschuncaisma hai dà colonnas sin omaduas varts dal tunnel dal Gottard. Da mezdi era la colonna vers sid radund 8 kilometers lunga, rapporta il servetsch d'infurmaziun da traffic Viasuisse. Quai munta in temp da spetga da radund in'ura e mesa.
En il decurs dal suentermezdi è la colonna sa reducida en direcziun sid. En direcziun nord hai dentant dà er suentermezdi colonnas d'enfin 7 kilometers. La raschun da las colonnas è che la via principala tranter Göschenen ed Andermatt è anc adina serrada pervi da crudada da grippa.
