Siglir tar il cuntegn
Inhalt

Svizra Puspè colonnas da stad al Gottard

Dapi la bunura datti colonnas da passa 10 kilometers sin la ruta dal Gottard.

colonna sin l'autostrada sper Domat
Legenda: La ruta dal San Bernardino na para betg dad esser ina alternativa: Colonnas sco qua tar Domat. RTR, Silvana Degonda
autos en colonna
Legenda: Era oz èsi da quintar cun colonnas direcziun dal sid. Reuters

Sin l’autostrada A2 datti colonnas da radund 11 kilometers davant il tunnel dal Gottard. Il temp da spetga tranter Erstfeld e Göschenen munta a duas uras. Quai communitgescha il servetsch d’infurmaziun da traffic Viasuisse.

Auter che usità na recumanda il TCS betg la ruta dal San Bernardino sco alternativa. Là stagnescha il traffic, uschia che l'uniun dals automobilists svizzers quinta en il decurs dal di era là cun colonnas.

Gia la fin d'emna passada è stada ina intensiva sin las vias svizras. En blers chantuns svizzers, en la Germania ed en l'Ollanda avevan cumenzà las vacanzas.

RR novitads 07:00