En Svizra pon occurrenzas da sport d'enviern da la cuppa mundiala puspè avair lieu cun aspectaturas ed aspectaturs. Tenor Swiss-Ski saja l'access tar il areals da sport dentant mo lubì per persunas cun in certificat da corona.
Tribunas per il public vegnian bajegiadas per occurrenzas da ski alpin, passlung, sigl cun skis, snowboard, skicross, ski freestyle e telemarc. Er «Fan-Villages» sco il vitg da la cuppa mundiala a Wengen vegnia a dar, sco er tendas da festa e zonas da VIP enturn l'arrivada da las differentas destinaziuns èn prevesidas. Medemamai duai dar undrientscha da victuras e victurs en conturn dal public.
Tut tenor svilup da la pandemia en Svizra stoppian ins dentant far adattaziuns tar il concept d'aspectaturas ed aspectaturs.