Il november èn las dumondas d’asil sa reducidas per pli che la mesadad en cumparegliaziun cun il november da l’onn passà. Il mais passà han las autoritads anc dumbrà 1963 dumondas d’asil. Cumpareglià cun l'october passà ha la Svizra survegnì 6% damain dumondas d'asil.
Surtut sa reducidas cumpareglià cun ils davos mais dal 2015 èn las dumondas d’asil da persunas da l’Afganistan, da l’Irac e da la Siria. Persunas da quests pajais nizzegiavan l’onn passà la ruta dal Balcan per arrivar en l’Europa dal Vest.
Fin la fin da quest onn quintan ils experts dal Secretariat statal per migraziun cun in terz pli pauc dumondas d’asil ch’il 2015. En tut pudess il dumber da dumondas d’asil en Svizra muntar a var 30’000.
