Tar passa 3’600 interpresas han las autoritads instradà ina procedura d'insolvenza quest onn. Quai è in augment da 8% en cumparegliaziun cun la medema perioda da l’onn avant, scriva il servetsch d’infurmaziuns economicas Bisnode D&B.
Sulet l’october passà saja il dumber da concurs creschi per 16%. In ferm augment avevi gia dà il settember.
Da l’autra vart vegnian era pli paucas interpresas fundadas, annunzia Bisnode D&B. Ils emprims 10 mais dal onn saja il dumber d’interpresas registradas en il register commerzial sa sminuì per 3%.
RR Novitads 11:00