Siglir tar il cuntegn

Header

cuntegn

Svizra Puspè èn ina bartga cun fugitivs en privel

Danovamain è ina bartga cun fugitivs en privel da mar sin la Mar Mediterrana. Quai rapporta l'organisaziun internaziunala per migraziun a Genevra.

A bord sajan passa 300 persunas. Tenor infurmaziuns betg confermadas sa chattian schizunt 3 bastiments en privel da mar. Pir ier èn probabel plirs tschients fugitivs da l'Africa najads en la Mar Mediterrana.

Ed avant l'insla da Rhodos ha ina bartga a vela cun tozzels fugitivs a bord laschà pigliar funs. Almain 3 persunas, tranter quellas in uffant, sajan najadas. Passa 90 hajan ins pudì spendrar. Quai annunzia la guardia da costa grecca.

Dapli daners per salvar migrants

La cumissiun da l'UE reagescha cun in plan da 10 puncts sin il drama da fugitivs en la Mar Mediterrana. Quel prevesa tranter auter d'augmentar ils daners per acziuns da tschertga e da salvament e dad extender il territori d'acziun dals bastiments da salvament.

Latiers duain l'Italia e la Grezia survegnir daners per tractar dumondas d'asil pli svelt. En dumonda stat era schebain ils fugitivs duain vegnir repartids en cas d'urgenza sin plirs pajais.

Il plan duai vegnir decidì gievgia proxima a chaschun d'in inscunter extraordinari dals schefs da stadi e da regenza da l'UE.

RR novitads 14:00

Artitgels legids il pli savens