Tenor l'agentura da novitads rumantscha haja ses advocat fatg plirs sbagls.
Quadroni aveva recurrì fin a Losanna perquai ch'el vuleva vesair pli savens ses uffants e perquai ch'el vuleva savair, schebain la dretgira regiunala en l’Engiadina Bassa retardeschia decisiuns u pratitgeschia forsa perfin snegaziun da dretg.
Era sch'ils giavischs dal recurrent sajan zunt enclegentaivels e chapaivels, na possia il Tribunal federal betg examinar il recurs en chaussa, scriva il derschader en la sentenzia ch'è vegnida publitgada l'entschatta da questa stad. Il derschader argumentescha questa decisiun cun divers sbagls formals en il recurs che l'advocat das Adam Quadroni ha inoltrà.
RR novitads 18:00