Siglir tar il cuntegn

Header

cuntegn

Qualitad da viver Turitg e Genevra tranter citads las pli attractivas dal mund

Las citads da Turitg e Genevra tutgan tar las citads las pli attractivas dal mund. Quai tenor l'index annual da la gruppa «Economist». Per Turitg (+4) e Genevra (+2) munta quai ina meglieraziun dal plaz cumpareglià cun l'index da l'onn avant.

  1. Vienna
  2. Copenhagen
  3. Turitg
  4. Calgary
  5. Vancouver
  6. Genevra

L'onn passà era l'attractivitad da viver en las metropolas europeicas sa reducida per part massivamain tras la crisa da corona e las mesiras encunter la pandemia. Da l'autra vart era Auckland vegnì sin plaz in grazia a la buna situaziun da corona cun la politica d'immigraziun stricta da la Nova Zelanda. Cun abolir las mesiras da corona èn las metropolas da la Nova Zelanda però puspè crudadas dal chau da la classificaziun – quai ensemen cun las metropolas da l'Australia e da la China.

Global Liveability Index

Avrir la box Serrar la box

L'uschènumnà «Global Liveability Index» dal «Economist» evaluescha total 170 citads sin l'entir mund. Sco criteri per valitar la qualitad da viver en las citads valan la stabilitad, la sanadad, la purschida culturala, l'ambient, la furmaziun e l'infrastructura.

RTR novitads 06:00

Artitgels legids il pli savens