La concentraziun da l'idrocarbon che provochescha cancer è pli u main restada tuttina, constatescha la Nabo. Quai malgrà che las emissiuns da substanzas nuschaivlas èn sa reducidas dapi ils onns 1980, communitgescha Agroscope.
Substanzas nuschaivlas derivan da stgaudaments, industria e traffic
La gruppa da substanzas d’idrocarbon cumpiglia ina gronda part da colliaziuns organicas. Bleras da quellas chaschunan cumprovadamain il cancer. Ellas resultan cura ch’ins na brischa betg cumplettamain massa biologica u carburants fossils sco lain, charvun ed ieli. Quella massa deriva en Svizra il pli savens da stgaudaments, da l’industria e dal traffic sin via.
RR novitads 15:00