Siglir tar il cuntegn

Header

video
Pandemia da corona è ord controlla en l'India
Or da Tagesschau am Vorabend dals 26.04.2021.
laschar ir
cuntegn

Quarantina cun returnar India da nov sin la glista da ristg dal BAG

Il BAG ha adattà il glindesdi sia glista dals pajais che valan sco ristg en connex cun il coronavirus. Da nov sa chatta era l’India sin questa glista. A partir d'immediat vala perquai – che persunas che vegnan da là en Svizra ston ir en quarantina.

Tenor il BAG èsi pussibel ch’era persunas vaccinadas, u persunas ch'han gia gì Covid-19 – s'infecteschan cun la nova varianta da l’India. Ord vista scientifica n’èsi dentant anc betg cler, sche la varianta indica è pli infectusa u pli privlusa ch’autras variantas.

Il pajais ha dentant dapi in pèr dis cifras da record – quai che pertutga novas infecziuns cun il coronavirus. E dapi dis mancan en ospitals oxigen medicinal e letgs. Persunas cun corona moran per part avant ospitals a Neu Dehli ed autras citads.

Ulteriurs pajais da nov sin la glista

Sco il BAG scriva vinavant sin sia pagina d’internet – figureschan da nov era pajais sco Egipta, Argentinia, Katar e Mexico sin la glista da ristg. Per quels pajais vala l’obligatori da quarantina cun returnar, a partir dals 3 da matg.

La Tagesschau aveva rapportà ils 24 d'avrigl:

video
Chattà varianta indica dal coronavirus en Svizra
Or da Tagesschau dals 24.04.2021.
laschar ir

RTR novitads 17:00

Artitgels legids il pli savens

Scrollar a sanestra Scrollar a dretga