Gudogns extraordinaris hajan pussibilità a las cassas da pensiun d'augmentar marcantamain las reservas. En pertschients da tuttas obligaziuns èn las reservas creschidas en media da 7,7% sin 13,1%. Cun in grad da garanzia d'en media 113,1% sajan las instituziuns dal dretg privat puspè sin il nivel da la fin dal 2017, scriva la figlia da Swisscanto, la ZKB.
In zic main bain vesi ora tar las instituziuns dal dretg public. Ellas han en media in grad da garanzia da 106,9%.
97% da las cassas da pensiun da dretg privat e 91% da quellas dal dretg public cuntanschian entant ina garanzia da 100% e dapli.
RR novitads 12:00