En Svizra han quatter da tschintg giuvens e giuvnas, che han terminà la scola, cumenzà la stad cun lur scolaziun giavischada. Per radund in terz è questa scolaziun ina schliaziun transitorica – quai mussa la retschertga che l'institut gfs.Berna ha fatg per il Secretariat da stadi per furmaziun, retschertga ed innovaziun. En tut han 74'000 giuvens e giuvnas tranter 14 e 16 onns terminà la scola obligatorica.
Scolaziun professiunala vinavant a la testa
La gronda part, vul dir bunamain 50%, fa ina scolaziun professiunala da basa. Radund 37% fan ina scolaziun da furmaziun generala è radund 14% èn sa decidids per ina schliaziun intermediara.
La scolaziun professiunala da basa è cunzunt per ils giuvens la clera numer in. Las professiuns che vegnian elegidas il pli bler èn commerziant, informaticher ed electroinstallatur. Tar las giuvnas èn commerzianta, spezialista da sanadad sco er spezialista da commerzi en detagl a la testa.
Ord l'Archiv:
RR novitads 14:00