Avant 150 onns ha l'architect Bernhard Simeon bajegià il Grand Resort Quellenhof a Bogn Ragaz. Da lezzas uras aveva el cumprà la concessiun da pudair duvrar l'aua termala da la Val Tamina. Il bogn termal è la basa dal success dal hotel Quellenhof ch'è vegnì creà paucs onns suenter il hotel. Quai era l'emprim bogn termal da l'Europa. Er la vischnanca da Bogn Ragaz profitescha da l'istorgia da success dal Grand Resort Quellenhof. Tenor il president da vischnanca Daniel Bühler è il hotel la meglra reclama per la destinaziun.
Investiziuns da 45 milliuns francs
Perquai ch'il hotel è antiquà èsi vegnì investì en renovaziuns. Ina nova restauraziun, ina climatisaziun ed in nov design interiur èn cumpigliads en las investiziuns.
RR novitads 18:00