Siglir tar il cuntegn

Header

Lavurers sin in palancà vid lavurar.
Legenda: Dapli plazzas libras en la branscha da construcziun. Keystone
cuntegn

Svizra Quest atun hai dapli plazzas libras

Quest atun tschertgan surtut en las branschas da construcziun sco er d’administraziun dapli collavuraturs. Senza effects stagiunals crescha il dumber da las plazzas libras per 2%.

En Svizra datti il mument puspè dapli plazzas libras surtut en la branscha da construcziun. Quellas èn s’augmentadas per sur in quart. Dapi l’entschatta dal onn èn las offertas da plazzas libras sa sminuidas gist en quest sectur per 14%, quai resulta da l’index dal martgà da lavur Adecco.

Dapli plazzas en l’administraziun ed en biro

Vinavant crescha la dumonda suenter persunas che lavuran en biro ni l’administraziun. Las plazzas libras èn creschidas en cumparegliaziun cun il quartal da stad per 6% en cumparegliaziun cun l’onn avant per 25%.

L’index dal martgà da lavur d’Adecco vegn fatgs dal mediatur da lavur Adecco en collavuraziun cun il monitoring da las plazzas da lavur svizras dal institut da sociologia da l’universitad da Turitg. El sa basa sin investigaziuns en 90 gasettas, 12 portals d’internet e 1’300 paginas d’internet d’interpresas, scrivan ils responsabels.

RR novitads 12:00

Dapli da Svizraavrir la Landingpage

Nach links scrollen Nach rechts scrollen