Siglir tar il cuntegn
cuntegn

Svizra Quota da dischoccupaziun mendra che pensà

La Svizra ha uffizialmain ina quota da dischoccupaziun da 2,4%. Sch'ins mesirass la quota dentant cun la metoda da l'organisaziun da lavur internaziunala avess la Svizra ina quota da 4,9%. En Germania fiss la quota be tar 3,5%. Quai rapporta la gasetta NZZ am Sonntag.

Purtret d'in maun che mussa sin ina plazza scritta or en ina gasetta.
Legenda: La quota da dischoccupaziun en Svizra fiss pli auta sch'ella vegniss quintada sco en la statistica internaziunala. Keystone

Il motiv per la discrepanza è che l'uffizi federal da statistica resguarda sulet las persunas dischoccupadas ch'èn registradas tar ils centers d'intermediaziun da lavur. Dischoccupads che han consumà dal tuttafatg lur dretgs da schurnada ed er dischoccupads pli vegls svaneschian ord la statistica uffiziala, scriva la NZZ.

Expressiuns

ausgesteuerte Arbeitslose = dischoccupads che han consumà dal tuttafatg lur dretgs da schurnada

Ausgesteuerter = persuna che na benefiziescha betg pli da l'indemnisaziun da dischoccupaziun

RR novitads 09:00