Siglir tar il cuntegn
cuntegn

Svizra Quota da suizidi tar purs svizzers è surproporziunalmain auta

In studi da l'universitad Berna mussa ch'il dumber da purs che fan suicidi è creschida dapi il 2003.

Purtret d'in um che guarda giun plaun e tegna cun ils mauns il chau.
Legenda: La rata da suicidi tar purs è ida ad aut. Pixabay

Tranter ils onns 1991 fin 2014 han 447 purs commess suicidi. Fertant che la rata da suicidi tar auters umens en la champagna è ì enavos cuntinuadamain, è ella creschida tar ils purs dapi l'onn 2003. Purs han tenor il studi ina ristga da suicidi ch'è 37% pli auta ch'umens en autras professiuns.

La presidenta dal telefon d'agid per ils purs declera la raschun surtut cun temas da l'avegnir, quitads da daners, problems da chattar in successur u er la solitariadad.

Las datas ha l'universitad da Berna da radund 90'000 purs. Las cifras consterneschian e laschan be s'imaginar tge destins che giaschian davostiers, ha ditg il president da l'Uniun da purs, Markus Ritter.

RR novitads 09:00