Siglir tar il cuntegn

Header

cuntegn

Rabat per il GA Viafiers federalas vulan gudagnar enavos clientella

La branscha dal traffic public emprova da gudagnar enavos clientas e clients cun rabats tar ils abunaments generals.

Tar la SBB è il traffic a distanza sa reducidì sin 70% dals passagiers, en cumparegliaziun cun il 2019. Quai sa mussa er tar las finanzas dal traffic public. Avant la pandemia eran radund 500'000 GA's en circulaziuns – uss èn quai anc 400'000. Blers n'han betg pli prolungà lur abunament.

Nus stuain gudagnar enavos quels ch'han fatg damain viadis.
Autur: Vincent Ducrot CEO SBB

Quella clientella vulan ins tranter auter er puspè gudagnar enavos cun acziuns da reclama. Sin basa naziunala vegnan tranter auter plidentadas persunas che n'han betg pli prolungà lur abunament.

Rabats fin a 500 francs

Per l'abunnament da segunda classa per exempel vegn offert in rabat da 500 francs. Per la branscha èn ils abunaments generals da gronda impurtanza, il GA porta regularmain massa daners a las interpresas.

Durant la crisa n'ha radund in tschintgavel da la clientella betg pli prolungà l'abunament general. Cunquai mancan a la branscha entradas segiras da 300 fin 400 milliuns francs.

RTR novitads 12:00

Artitgels legids il pli savens

Scrollar a sanestra Scrollar a dretga