L'uniun da pumicultura svizra quinta quest onn cun ina racolta da bunamain 1'700 tonnas tschareschas. Quai èn radund 20% sut la media da 5 onns. La stimaziun è dentant pli positiva che spetgà.
Sco quai che swissfruit communitgescha hajan las bleras notgs da fradaglia l'avrigl donnegià las culturas. Las differenzas regiunalas sajan fitg grondas. Cumpareglià cun l'onn passà saja la natira radund duas emnas en retard. La stagiun da tscharescha cumenza il fanadur.