Siglir tar il cuntegn
cuntegn

Svizra Racolta da laina sa revegn

L'onn passà è la racolta da laina s'augmentada per 5% cumpareglià cun l'onn fitg schlet 2016. Quai munta che 4,69 milliuns meters cubic laina èn vegnids pinads. Quai resulta da la statistica forestala da la Confederaziun. La situaziun finanziala per ils manaschis resta dentant tendida.

Purtret da plunas laina.
Legenda: Per las interpresas forestalas n'è la situaziun betg propi sa meglierada. Keystone

Sur tut en guauds privats è la racolta creschida fermamain, per 12%. Cun quai ha ella cuntanschì in total dad 1,61 milliuns meters cubic. En ils guauds publics che han prest dubel uschè blera surfatscha, è la racolta stagnada tar 3,07 milliuns meters cubic.

Raschun pudess esser ch'ils possessurs privats han racoltà dapli laina perquai ch'ils pretschs per laina èn creschids levet. Tuttina n'è la situaziun per interpresas forestalas anc adina betg meglra. Passa la mesadad da las interpresas han scrit ina perdita. Sur l'entira Svizra han las interpresas gì entradas da 501 milliuns francs ed expensas da radund 541 milliuns francs.

RR novitads 11:00