Sco la pli gronda mostaria privata da la Svizra, Möhl en la Turgovia, communitgescha, vegnan ils purs a furnir fin la fin dal mais enturn 48'000 tonnas maila. Quai saja quatter giadas dapli che l'onn passà ed in nov record. La racolta da quest onn vegnia duvrada per emplenir ils magasins ch'èn vids pervi da la nauscha racolta da l'onn passà.
L'Uniun da pumicultura svizra quinta en l'entir pajais cun enturn 140'000 tonnas puma da most. Quai saja quatter fin tschintg giadas dapli che l'onn passà.
RR novitads 11:00