Siglir tar il cuntegn

Header

cuntegn

Radiaziun da telefonia mobila BAFU sto examinar sistems da mesiraziun

L'Uffizi federal d'ambient BAFU sto examinar ils sistems da mesiraziun per registrar las valurs da radiaziun da las antennas da telefonia mobila. Il BAFU duai controllar sch'ils sistems per segirar la qualitad dals purschiders da la telefonia mobila funcziuneschan endretg. Quai ha decis il Tribunal federal en connex cun ina dispita pervi d'ina antenna da telefonia mobila sin ina chasa auta, rapporta la NZZ.

Quai na munta dentant betg che il BAFU sto examinar tut las 19'000 antennas da telefonia mobila en Svizra. I sto vegnir controllà sche ils sistems per segirar la qualitad dals furniturs funcziuneschan endretg.

La Swisscom sco pli gronda gestiunaria d'implants da la telefonia mobila en Svizra ha reagì cun calma sin questa decisiun. Il sistem saja gia vegnì examinà il 2010 ed il 2011 ed ins saja da buna speranza ch'ils resultats sajan era questa giada positivs.

audio
Zweifel an korrekter Kontrolle von Mobilfunkantennen
ord Rendez-vous dals 31.10.2019. Maletg: Keystone
laschar ir. Durada: 30 minutas 5 Secundas.

RR novitads 16:00

Artitgels legids il pli savens