Il Cussegl federal na duai betg perscrutar pli spert ed intensiv ils effects dals radis da la telefonia mobila 5G sin la sanadad che gia planisà. Il Cussegl naziunal ha refusà ina moziun da sia cumissiun responsabla en chaussa – quai cun 102 cunter 79 vuschs tar 9 abstinenzas.
La cumissiun per segirezza sociala e sanadad dal Cussegl naziunal aveva pretendì da perscrutar ils effects dal nov standard da tecnologia avant prender autras mesiras. 5G e sias consequenzas occupeschia la populaziun fermamain, ha manegia la cumissiun.
La moziun ha pretendì da cumenzar cun il monitoring anc quest onn. Tenor il Cussegl federal na saja quai anc gnanc pussaivel, perquai ch’i dovria anc temp d’inserar las lavurs.
audio
Per tadlar: Las novitads da las 06:00
ord RTR Audio dals 15.09.2020.
laschar ir. Durada: 5 minutas 19 Secundas.
