Siglir tar il cuntegn

Header

cuntegn

Radunanza da delegads Balthasar Glättli è nov president dals Verds

Balthasar Glättli è il nov president dals Verds. La radunanza da delegads digitala ha elegì el uffizialmain, cun quai succeda el a Regula Rytz. Sia finamira è da conquistar in sez en il Cussegl federal.

Purtret da Glättli a Berna.
Legenda: Balthasar Glättli è daventà nov president dals Verds. Keystone

Sch'in terz da tuttas votantas e votants na saja betg represchentà en il Cussegl federal, sche stoppian ins curreger quai, ha il nov president dals Verds, Balthasar Glättli, manegià envers las gasettas da la Tamedia. Per cuntanscher quai dovri tenor Glättli ina strategia: Tar mintga vacanza vegnia sia partida a ponderar da candidar. In ideal candidat u ina candidata ideala n'haja el il mument betg. Quella persuna stuessi avair experientscha en l'executiva. Ed el sez na stettia betg a disposiziun.

Lura vul Glättli er che temas da la politica dal clima vegnan puspè sin maisa. Dapi la crisa da corona sajan quels in zic da la vart. La pandemia midia nagut vid il fatg che la catastrofa dal clima saja il pli grond tema da l'emprima mesadad da quest tschientaner.

L'elecziun da Glättli avess en sasez gì d'avair lieu gia fin mars. Pervi da la crisa da corona ha quella dentant stuì vegnir spustada.

Ord l'archiv:

RTR novitads 11:00

Artitgels legids il pli savens

Scrollar a sanestra Scrollar a dretga