La PLD Svizra ha finamiras ambiziusas: Da las elecziuns federalas l’atun vul ella gudagnar vitiers sezs tant en il Cussegl naziunal sco er en il Cussegl dals chantuns e surpassar la PS per uschia puspè daventar la segund ferma partida da la Svizra. A chaschun da sia radunanza da delegads a Kreuzlingen en il chantun Turgovia ha la partida oz preschentà ses program electoral. Quel stat sut il motto «Nus faschain ferma la Svizra!» e pretenda dapli senn per la realitad enstagl d'illusiuns. Il program electoral metta trais accents: economia innovativa, segirezza, ed in provediment da vegliadetgna persistent.
Gea per la lescha davart la protecziun dal clima
En pli han ils delegads e las delegadas dà or la parola per la lescha davart la protecziun dal clima ch’è vegn ils 18 da zercladur davant il pievel. Cun 362 cunter 51 vuschs ha la radunanza decis per in Gea. Cun quai è el suandada al president Thierry Burkart che ha declera ch'ins stoppia esser pront da far cumpromiss. Tranter auter ha il cusseglier naziunal bernais Christian Wasserfallen cumbattì per in Na, per el saja la lescha in cumpromiss dal center-sanester ch'el na possia betg sustegnair.
