Ils Verds vulan daventar las terz ferma partida en Svizra. Quai ha il president Balthasar Glättli ditg sonda en ses pled a la radunanza da delegads a Genevra. El ha numnà il 2023 sco onn clav per il clima, la biodiversitad e soluziuns verdas. Glättli ha fatg allusiun al success en il chantun Genevra nua ch'ils Verds èn daventas il 2019 la pli ferma partida cun prest 25% da las electuras e dals electurs. Il chantun saja in exempel per auters, uschia Glättli. El s'allegria perquai da lantschar l'onn d'elecziuns en quest lieu.
Votaziun decisiva quest onn
Glättli ha vinavant numnà la votaziun da la lescha da la protecziun dal clima, che vegn ad avair lieu en zercladur, sco la pli impurtant votaziun per la DNA dal Verds. L'elan da la votaziun duai vegnir duvrà per la fin dal cumbat electoral per las elecziuns federalas en october.
