En ina votaziun consultativa ha la PVL pretendì da segirar e sviluppar las relaziuns cun l'UE. En dumonda vegnia sulettamain da reprender la cunvegna da basa, in'adesiun al spazi economic europeic u ina soluziun equivalenta. Cun interrumper las contractivas davart la cunvegna da basa haja il Cussegl federal manà la Svizra en ina bloccada, ha il president Jürg Grossen ditg e rinfatschà a la regenza federala flaivlezza da manar.
Parolas per il favrer
Ils Verdliberals han era prendì parolas: GEA al pachet da mesiras per medias, GEA a l'iniziativa che vul scumandar reclama per tubac e GEA a quella che vul abolir las taxas da bul.