Siglir tar il cuntegn
Inhalt

Svizra Raiffeisen cun nova partiziun e nov schef da finanzas

Suenter investigaziuns da la Finma stgaffescha la Raiffeisen ina nova partiziun che controlleschia ils ristgs e che las reglas vegnian resguardadas. Ultra da quai datti er midadas persunalas aifer la banca.

Banchier.
Legenda: Marcel Zoller sa retira sco schef da finanzas da la Raiffeisen. Keystone

La partiziun «Risico e Compliance» cumenzia sia lavur l’entschatta dal 2018.Quai ha communitgà la terz gronda banca en Svizra.

Midadas persunalas

Ultra da quai ha la Raiffeisen communitgà ch’il schef da finanzas Marcel Zoller, sa retiria anticipadamain la fin d’avrigl 2018. Ad el succedia il commember da la direcziun Christian Poerschke.

La banca ha suttastritgà che questa nova partiziun na stettia betg en connex cun las investigaziuns da la Surveglianza federal dals martgads da finanzas (Finma). Quella ha numnadamain avert ina procedura cunter la Raiffeisen. Quai ha communitgà la banca. Tranter auter giaja per dumondas da gestiun (Corporate Governance).

Examinaziuns cunter Pierin Vincenz

En pli prenda la Finma er l’anteriur schef da la banca Pierin Vincenz sut la marella. Quai pervi da conflicts d’interess. Vincenz sez saja da l’avis d’avair tractà conflicts d’interess potenzials cun la diligenza necessaria. El veglia cooperar cun la Finma.

RR novitads 10:00