Raiffeisen vul serrar fin 250 filialas ils proxims 5 onns

La banca Raiffeisen vul serrar fin 250 filialas pitschnas ils proxims tschintg onns. La banca vul far quai pass, perquai ch'adina dapli clients liquideschan lur fatschentas da banca via internet. Ina reducziun da plazzas. na saja però betg previsa, communitgescha la banca.

Il logo da la banca Raiffeisen. Bild in Lightbox öffnen.

Legenda da maletgs: Malgrà ils plans da reducziun: La Raiffeisen vul vinavant restar la banca cun la pli gronda preschientscha regiunala. Keystone

Damain filialas - dapli persunal

Entant ch’il dumber da las bancas Raiffeisen è restada stabila l’onn passà, èn 11 filialas vegnidas serradas. Da nov dumbra la gruppa da bancas anc 673 filialas. S’augmentà è persuenter il dumber da persunal, quai da 9’019 l’onn 2014 sin 9’286 l’onn passà.

Raiffeisen cun record – era grazia a las fatschentas quotidianas

La gruppa da bancas Raiffeisen ha fatg l'onn passà il pli grond gudogn da sia istorgia. Cun 808 milliuns francs ha la Raiffeisen surpassà il gudogn da l'onn precedent per 48 milliuns.

Contribuì a quest success da la gruppa da bancas svizra haja tranter auter era la vendita d'ina participaziun, scriva la Raiffeisen en ina communicaziun. La Raiffeisen accentuescha dentant, ch'els hajan era fatg buns affars en las spartas da tschains, cumissiuns e servetschs.

Cifras da success 2015

Vinavant annunzia Raiffeisen in augment dals deposits da client, quels èn cun 8,7 milliardas francs per 6,2% pli auts che l’onn avant. La fin dal 2015 ha la Raiffeisen administrà ina facultad da 207 milliardas francs. Ed era tar las ipotecas annunzia la gruppa da bancas Raiffeisen in plus da 5,2%.

RR Novitads 07:00 / 16:00