Siglir tar il cuntegn

Svizra Raischens rumpan records

Ils raischens rumpan records. Uschè bleras infecziuns dal tscharvè (FSME) suenter morsas da raischens sco quest onn n'haja anc mai dà en Svizra. Quai mussan las cifras da l’Uffizi federal da sanadad.

La stagiun dals raischens cumenza il mars e finescha il november.
Legenda: La stagiun dals raischens cumenza il mars e finescha il november. Keystone

Cun passa 270 cas haja dà quest onn pli che 100 infecziuns dapli sco l’onn passà da la medema perioda.

Tiers vegn ch'ils cas grevs piglian tiers: Entant che dal 2015 eran quai main dad 1.5 % guardà sin 100'000 persunas èn quai ussa baud 5.5% cas grevs.

Però era tge che pertutga las visitas tals medis causa morsas da raischens rumpa quest onn records: 28’600 persunas èn stadas tar il medi causa morsas da raischens – baud in terz dapli che l’onn passà. Era èn ils cas da borreliosa creschids marcantamain. Era qua in nov record, scriva l'Uffizi federal da sanadad. Radund 1% dals cas dad FSME èn mortals.

La stagiun dals raischens cumenza il mars e finescha il november.

RR actualitad 17:00