Siglir tar il cuntegn

Header

cuntegn

Rait d'innovaziun INOS Dapli sustegn per firmas pitschnas e masaunas

Il Grischun vul ensemen cun ulteriurs chantuns da la Svizra Orientala promover anc meglier l'innovaziun da firmas pitschnas e mesaunas.

La Rait d'innovaziun da la Svizra Orientala vegn bajegiada ora. Quella vul cuntanscher che las firmas s'engaschan per novaziuns fundamentalas - enstagl da mo sa restrenscher sin adattaziuns pli pitschnas. La rait d'innovaziun porscha ad interpresas pussaivladads per emprimas cussegliaziuns e per coachings. Actualmain prepara il chantun, tenor communicaziun, ensemen cun las organisaziuns da tetg da l'economia grischuna ina introducziun sistematica da quests servetschs.

La rait d'innovaziun fa part da la Nova politica regiunala da la Confederaziun. Il program actual da la rait vala fin la fin dal 2023.

audio
Per tadlar: Las novitads da las 11:00
ord RTR Audio dals 01.12.2020.
laschar ir. Durada: 2 minutas 15 Secundas.

RTR novitads 11:00

Artitgels legids il pli savens