Svizra - Rait da telefonins uschè svelta sco anc mai
En tschertas citads svizras pon clients da la Swisscom anc quest onn navigar cun ina nova spertadad da record, quai cun fin 800 megabytes per secunda. Fin ussa muntava la spertadad maximala a bun la mesadad.
Cuntanschì vegnia quest augment entras ina cumbinaziun da quatter differentas frequenzas da la generaziun da la telefonia mobila 4G communitgescha la Swisscom.
En curt vegn il concern da telecommunicaziun ad introducir la nova generaziun da telefonia mobila 5G.
