La Swisscom ha incassà pretschs memia auts dals concurrents Sunrise e Salt tranter ils onns 2013–2016 per duvrar sia rait. A questa conclusiun vegn la cumissiun da communicaziun federala Comcom. La cumissiun aveva examinà ils pretschs da la Swisscom sin dumonda dals concurrents.
Tenor la Swisscom sa tracti d'ina summa da restituziun da passa 10 milliuns francs per onn. Il concern examinescha ussa, sch'ins vul sa defender encunter la decisiun da la cumissiun e trair vinavant il cas al Tribunal administrativ federal.
RR novitads 10:00