Uschia è l'ETH a Turitg ruschnada enavos per in plaz sin il novavel. Ella resta dentant anc adina la meglra scola auta ordaifer ils Stadis Unids e la Gronda Britannia. Segund meglra scola auta svizra è l’ETH a Losanna sin plaz 16. L’Universitad da Turitg suonda sin plaz 83. Sco suletta è l’universitad da Basilea sa meglierada per dus plazs ed è uss sin plaz 136. L’Università della Svizzera Italiana è restada sin plaz 240.
Las meglras universitads dal mund
Sin ils megliers plazs èn tenor rangaziun da l’interpresa d'analisa il Massachusetts Institut of Technology (MIT), en ils Stadis Unids, suandà da l’Universitad da Cambridge en la Gronda Britannia e l’Universitad da Stanford ch'è medemamain en ils Stadis Unids.
audio
Per tadlar curt e cumpact
ord RTR Audio dals 09.06.2022.
laschar ir. Durada: 1 minuta 7 Secundas.