Raphael Wicky nov trenader dal FCB

Il club da ballape da Basilea (FCB) ha chattà in nov trenader: Raphael Wicky remplazza Urs Fischer davent da questa stad.

Fotografia da Rhaphael Wicky. Bild in Lightbox öffnen.

Legenda da maletgs: Raphael Wicky è nov trenader dal FCB. Keystone

Sco successur dad Urs Fischer ha il club da ballape da Basilea elegì Raphael Wicky. Il vallesan haja suttascrit in contract da dus onns, ha communitgà il FCB. Per Wicky è quai ses emprim contract sco scheftrenader d’ina squadra professiunala. Dapi il 2013 trenescha Wicky gia ils juniors da Basilea.

Raphael Wicky ha terminà l’onn 2009 en la vegliadetgna da 32 onns sia carriera da profi. El è stà giugader tar ils clubs da ballape da Sion, Werder Bremen, Atletico Madrid, Hamburger SV, e Chivas en ils Stadis Unids da l'America.

RR novitads 15:00