Siglir tar il cuntegn

Header

Navigaziun

cuntegn

Rapiment d'ostagis a Turitg 3 morts suenter sajettim en abitaziun

via serrada cun patruglia da policist
Legenda: La polizia ha bloccà la zona enturn l'abitaziun dal rapiment a Turitg. Keystone

A Turitg èn mortas 3 persunas suenter ch'in um (60 onns) aveva prendì 2 dunnas (34 e 38 onns) sco ostagis en in'abitaziun. Gia a las 05:00 dal venderdi era la polizia vegnida alarmada. Paucas uras suenter sajan las emprimas unitads stadas al lieu, communitgescha la polizia da la citad da Turitg.

Emprim contact en l'acziun gronda

L'um haja discurrì tras la fanestra cun la polizia e smanatschà da sajettar giu las dunnas, sche la polizia na sa retiria betg. Entant èn arrivadas ulteriuras unitads da la polizia da la citad, polizia chantunala - tranter autras era l'unitad speziala «Skorpion» e l'unitad speziala per tractativas. L'entira zona era bloccada da la polizia.

Rapinader di da vulair ceder, e tuttina datti sajettim

Suenter las 08:00 ha il rapinader declerà ch'el veglia ceder. Pauc pli tard ha la polizia udì sajets en l'abitaziun, ed ha assaglì l'abitaziun. La polizia ha chattà 3 persunas fitg grev blessadas. Tuttas èn mortas anc al lieu. Davart raschuns ed andament dal delict investigheschan la procura publica e la polizia chantunala da Turitg.

RR novitads 14:00