Siglir tar il cuntegn

Rapiment d'ostagis a Vad Famiglia dal rapinader porta plant cunter polizia

Ad Yverdon ha in um avant dacurt fatg 13 ostagis. La polizia ha silsuenter mazzà el en ina intervenziun. La famiglia da l'um ha uss purtà plant cunter la polizia dal chantun Vad.

La famiglia na sustegnia betg l’acziun da l’um, tuttina n’haja el betg merità da vegnir mazzà. Quai ha ditg il frar da l’attatgader envers RTS. RTS ha pudì cuntanscher il frar da l'um telefonicamain en l'Iran.

Essert-sous-Champvent
Legenda: Polizists ad Essert-sous-Champvent. Ostagis ed osagias n'èn betg vegnidas blessadas. Keystone

Il requirent d’asil iranais-curd era stà armà cun in cuntè ed ina sigir. Suenter bunamain quatter uras eri gartegià a las forzas d’intervenziun d’assaglir il tren e da deliberar ils ostagis. Da l’acziun è l’attentader vegnì mazzà.

RTR novitads 06:00

Artitgels legids il pli savens