Siglir tar il cuntegn

Header

cuntegn

Rapport annual Il sectur da sanadad è en il focus dal survegliader da pretschs

Ils pretschs en il sectur da sanadad e quels per il gas vegnan er quest onn a dar da pensar. Quai ha il survegliader da pretschs, Stefan Meierhans, communitgà en connex cun il rapport da l'onn 2021.

Latiers vul el survegliar las tariffas da l'administraziun tar la confederaziun. Quai saja in'incumbensa explicita suenter la revisiun da l'ordinaziun generala da taxas. D'impurtanza centrala en il cumbat cunter l'insla da pretschs exagerads sajan plinavant las midadas en la lescha da cartel ed en quella cunter la concurrenza illoiala.

Pretschs en connex cun corona

L'onn passà è il survegliader da pretschs era anc sa fatschentà cun ils custs da pajaments digitals, cun pretschs per tests da labor en connex cun corona e cun ils custs da las vaccinaziuns. Sco consequenza sajan ils pretschs da labor tschessads levet. Els sajan dentant anc adina memia auts. E las pauschalas per las vaccinaziuns sajan suenter schizunt vegnidas auzadas enstagl da reducidas.

audio
Per tadlar: Curt e cumpact
ord RTR Audio dals 28.02.2022.
laschar ir. Durada: 56 Secundas.

RTR novitads 11:00

Artitgels legids il pli savens

Scrollar a sanestra Scrollar a dretga