La scienza e la politica n’hajan betg collavurà bain avunda ensemen durant la pandemia da corona. Quest facit tiran las perscrutadras ed ils perscrutaders en il rapport da sintesa davart il program naziunal da perscrutaziun «Covid-19». Il partenadi tranter la cuminanza scientifica e las instituziuns statalas na saja betg stà sviluppà avunda per resister al squitsch enorm d'ina crisa da pandemia, hai gì num en il rapport final.
Er varts positivas
Ils perscrutaders tiran dentant da princip ina bilantscha positiva davart la chapientscha scientifica da la pandemia en Svizra. Il project che vegn finanzià cun 20 milliuns francs è vegnì lantschà l'avrigl 2020.