Siglir tar il cuntegn

Header

cuntegn

Rapport da l'ONU Ils dretgs d'uffants dovran dapli sustegn

Cun ils dretgs d'uffants ha la Svizra anc in pau fadia. A questa conclusiun vegn ina cumissiun da l'ONU. Ella critichescha ch'i na dettia betg ina strategia naziunala per realisar ils dretgs d'uffants. Tar la realisaziun da la convenziun dettia anc largias criticas.

En in rapport recumonda l'ONU a la Svizra da scumandar explizitamain chastis corporals en l'educaziun. La Svizra n'enconuscha betg in tal scumond. Persunas dal fatg duessan era survegnir scolaziun davart la prevenziun da violenza enviers uffants. Plinavant saja da meglierar il provediment psichiatric e psico-terapeutic d'uffants e giuvenils.

En tut ha la cumissiun fatg 138 recumandaziuns perl l'implementaziun da la convenziun dals dretgs d'uffants. Il rapport è il resultat da la terza controlla da la Svizra tras la cumissiun.

La Svizra ha suttascret la convenziun da dretgs d'uffants da l'ONU l'onn 1997.

audio
Per tadlar curt e cumpact
00:55 min, RTR Audio dals 01.10.2021.
laschar ir. Durada: 00:55 minutas.

RTR novitads 06:00

Artitgels legids il pli savens

Scrollar a sanestra Scrollar a dretga