Siglir tar il cuntegn

Header

cuntegn

Rapport da l'ONU Notas mediocras per infrastructura digitala en Svizra

Sch'i va per l'infrastructura digitala survegn la Svizra be notas mediocras en cumparegliaziun internaziunala. Tenor in rapport da las Naziuns Unidas sa chatta la Svizra sin plazza 23, ina plazza davos la Germania e duas davant il Principadi dal Liechtenstein.

A la testa èn il Danemarc, la Finlanda e la Corea dal sid. Quels pajais porschan tenor l'ONU la meglra infrastructura digitala a lur populaziun. Per il rapport èsi vegnì cumpareglià las purschidas digitalas dals 193 pajais da l'ONU quai che pertutga per exempel purschidas tar la furmaziun digitala u er la decleraziun da taglia digitala.

Tut en tut saja la purschida vegnida bler meglra. Intgins pajais hajan dentant anc potenzial. Il rapport vegn preschentà mintga dus onns dapi 2001.

Tar la cumparegliaziun directa da citads grondas, vegn Turitg sin plazza 14. A la testa èn qua Berlin e Madrid cun il medem resultat, silsuenter Tallinn (Estonia), Copenhagen – e sin plazza tschintg èn Dubai, Moscau, New York e Paris.

audio
Per tadlar: las novitads da las 09:00
ord RTR Audio dals 29.09.2022.
laschar ir. Durada: 3 minutas 20 Secundas.

RTR novitads 09:00

Artitgels legids il pli savens