La Svizra è il pajais il pli innovativ da l'Europa. Quai demussa in nov rapport da la cumissiun da l'UE. Tar tut ils 7 indicaturs resguardads haja la Svizra fatg in meglier resultat ch'ils 27 pajais commembers da l'UE. Tranter auter èn quai l'attractivitad dal sistem da perscrutaziun sco er la scolaziun da forzas da lavur e persunas dal fatg. Dapi il 2014 è tenor il rapport la differenza tranter la Svizra e l'Uniun europeica dentant vegnida pli pitschna.
Dasper la Svizra èn er ils pajais Finlanda, Danemarc e Belgia ulteriurs leaders da l'innovaziun. L'Islanda, l'Israel e la Norvegia sco er il Reginavel Unì èn tenor il rapport ferms innovaturs. Ils pajais Bosnia-Erzegovina, Montenegro, Macedonia dal Nord, Serbia e Tirchia valan sco innovaturs en svilup.
Sco regiun la pli innovativa en l'Europa numna il rapport Stockholm (Svezia). Sin ils proxims plazs suondan Etelä-Suomi (Finlanda), Oberbayern (Germania) e Hovedstaden (Danemarc). La regiun da Turitg è sin plaz tschintg.
Ord l'archiv:
Er en Grischun datti project per promover innovaziuns.
