En Svizra è la protecziun da l’infrastructura da gas manglusa. Quai rapporta la «NZZ am Sonntag» che sa referescha ad in rapport da l'Uffizi federal da la protecziun da la populaziun e da l'Uffizi federal d'energia dal fanadur 2021 en il qual la gasetta haja parzialmain gì invista.
Focus sin quatter ristgs
Il rapport sa focuseschia sin quatter ristgs per l’infrastructura da gas, numnadamain attatgas da cyber, sabotascha, bovas ed attatgas da collavuraturs. Tenor rapport stoppia cunzunt la protecziun cunter acts da sabotascha vegnir rinforzada. En pli duajan collavuraturas e collavuraturs vegnir controllads meglier per reducir il privel d’attatgas ord las atgnas retschas. La Confederaziun saja actualmain vidlonder da optimar quests secturs, uschia la «NZZ am Wochenende» vinavant.
