Siglir tar il cuntegn

Header

cuntegn

Rapport da segirezza Winterthur danovamain pli segira citad gronda

Winterthur è danovamain la citad gronda la pli segira en Svizra – e quai gia per la 11avla giada. Il rapport da segirezza 2019 mussa che Winterthur ha la pli bassa quota da criminalitad da tuttas citads grondas en Svizra.

Tar ils delicts da violenza grevs ha la citad turitgaisa schizunt registrà ina reducziun da passa 40%. Tenor las indicaziuns da la citad pudessi qua dentant sa tractar d'in onn extraordinari areguard delicts da violenza. Per valitar quai endretg stoppian ins observar la situaziun a lunga vista.

Il titel «pli segira citad gronda da la Svizra» survegn Winterthur en cumparegliaziun cun las citads Basilea, Berna, Genevra, Losanna e Turitg che han pli autas quotas da delicts sco enguladitsch, vandalissem, delicts violents u blessura corporala.

audio
Per tadlar – las novitads da las 11:00
ord RTR Audio dals 09.07.2020.
laschar ir. Durada: 2 minutas 48 Secundas.

RTR novitads 10:00

Artitgels legids il pli savens